“ቤተሰቦቿን እጅግ በጣም አድርጋ የምትወድ እህቴ ነበረች” ትላለች ወጣት ትግስት ታፈሰ ስለ እህቷ ሲነሳ። የትግስት ታናሽ እህት ደስታ ታፈሰ ስራ ፍለጋ ወደ ሊባኖስ ከተሰደዱ በርካታ ኢትዮጵያውያን እህቶቻችን አንዷ ስትሆን የዛሬ 2 ዓመት ገደማ የ26 ዓመቷ ደስታ በአሰሪዎቿ ቤት እያለች በወቅቱ ባልታወቀ ምክንያት ህይወቷ አጥታለች። “ሰርቼ ተለውጬ ወንድሜንም አስተምሯለሁ ትለን ነበር” ብላ እያነባች አስረድታናለች እህቷ ትግስት። “ወጥቶ መቅረቱ ፈጽሞ አይገባትም ነበር ውዷ እህቴ።” 

እንደ ደስታ ታፈሰ በዳኔ ያሉት በመቶ ሺህዎች የሚቆጠሩ ኢትዮጵያውያን እህቶቻችን ኑሮ ለማሸነፍ ወላጅ የመጦር እቅድ ይዘው ከሃገራቸው ተነስተው ወደ መካከለኛው ምስራቅ ተሰድደዋል። በአሁኑ ሰዓት በሀገረ ሊባኖስ ያሉት የኢትዮጵያውያን ቤት ሰራተኞች ቁጥር ከ3 መቶ ሺህ በላይ ነው ተብሎ ይገመታል። በሊባኖስ ያሉት ስደተኞቹ እህቶቻችን መካከል ተቀጥረው ገንዘብ አጠራቅመው ተለውጠው ወደ ሃገራቸው የሚመለሱ ዜጎች አሉ። ሆኖም ግን ሳይቀናቸው በአሰሪዎቻቸው ደሞዝ ተከልክለው የቤት በር ተዘግቶባቸው ተርበው የሰብዓዊ መብት ጥሰት ሰለባ ሆነው የሚንከራተቱ ህይወታቸውንም የሚያጡ ከኢትዮጵያና ከመላው አፍሪካና እሲያ የሚመጡ በርካታ ምስኪን ስደተኞች አሉ።  

በሊባኖስ በየ ሳምንቱ በአማካኙ 2 የሰው ቤት ሰራተኞች ህይወት ይቀጠፋል። በሊባኖስ ባለው “ከፈላ” ተብሎ የሚጠራው የህግ አሰራር ሊባኖሳዊ አሰሪዎች ለሰራተኞቻቸው ሞትና ስቃይ በህግ እንዳይጠየቁ ከለላ ይሰጣችዋል። 

ወጣቷ ኢትዮጵያዊት ደስታ ታፈሰ በሊባኖስ ዋና ከተማ ቤሩት የ30 ኪሎሜትር ርቀት ላይ የሚገኘው የቢብሎስ ከተማ ስራ ታገኛለች። በቢብሎስ ከተማ ከሁለተኛ ደረጃው ትምህርት ቤት ቅርብ የሆነው የኩባ ህንጻ አከባቢ በሙሉ ስሙ ሄሉ ሃየክ ተብሎ የሚጠራ ሊባኖሳዊ አሰሪና ባለቤቱ ዋፋ ሃየክ ቤት ገብታ መስራት ትጀምራለች። ሄሉ ሃየክ የተባለው አሰሪ ስልክ ቁጥሩ እንደሚከተለው ነው +9613621686።

እንደ ታላቅ እህቷ ትግስት ታፈሰ አገላለጽ ደስታ ስራዋን በጥር 2010 ዓም ጀምራ በአንድ ዓመት ተኩል ቆይታዋ በሳምንት ስባቱን ቀን እየፈጋች ከቤት መውጣቱ እረፍት መውሰዱ ተከልክላ አንዴም እንኳን ደሞዝ ሳትቀበል ኢትዮጵያ ላሉት ቤተሰቦቿ ገንዘብ ለመላክ አላበቃችም። በአንድ ዓመት ተኩል ቆይታዋ በፈረቃ እህቷ ትግስትን በስልክ ይገናኙ እንደነበርና በአሰሪዎቿ ቤት ደስታ እጅግ በጣም ትሰቃይ እንደነበርም ጨምራ አካፍላናለች። 

“ደስታን በባርነት እያንከራተቷት ደስ ሲላቸው እየደበደቧት፤ ያቃጥላትም ነበር። ያለውን ስታስረዳኝ እጅግ በጣም እጨነቅና እንቅልፍ ይሰናስኝ ስለነበር እህቴ ከአሰሪዎቿ ቤት የምታመልትበት ሁኔታ ለማመቻቸት ሞከርኩ።”

ትግስት የምታደርገውን ስታጣ በአከባቢው የሚኖሩ ኢትዮጵያውያን ጋር እየደወለች ትብብራቸውን ትለምን ነበር። እህቷ ተስፋ እንዳትቆርጥ እያጽናናቻት በሊባኖስ ወዳሉት የሰበዓዊ መብት ድርጅቶች የመደወል እቅድ እንደነበራትም ለእህቷ ታካፍላለች። ደስታ ይሄንን በሰማች ወቅት እጅግ በጣም ደንግጣ እህቷ ስለሁኔታዋ ለማንም እንዳትተነፍስ ታስጠነቅቃታለች። ገመናቸው ቢጋለጥ ይገሉኛል ብላ ትፈራ እንደነበር ለእህቷ አካፍላለች።

ግንቦት 4 ዕለት 2010 ዓም ደስታ ታፈሰ በዳኔ ከዚህ ዓለም በሞት ተለየችን። ለአንድ ዓመት ተኩል እንደ እስረኛ ተይዛ በዙ ስቃይ አይታ ህይወቷ ቢቀጠፍም የሊባኖስ ፖሊስ ጉዳዩን ላለመመርመር ወስኖ እንኳን ለህግ መቅረብ የካሳ ኢንሹራንስ ክፍያ እንኳን ለቤተሰብ ያደረሰ አካል የለም። የሊባኖስ ፖሊስ የረባ ምርመራ ሳያካሄድ ደስታ እራሷን አጥፍታ መሞቷን መዝግበው አስቀመጡ። 

በሊባኖስ ያሉት የሰው ቤት ሰራተኞች ዘግናኝ አሟሟት በመረጃ ቢደገፍም ፖሊስ ለሰው ቤት ሰራተኞች ላላቸው ዝቅተኛ እይታ እና በሃገሪቷ ባለው የከፈላ አሰራር ምክንያት ግልጽ የሆነ ወንጀል ተፈጽሞ ፖሊስ አስክሬን ለኢትዮጵያ ቆንስላ ከማስረከብ ውጪ ሌላ እርምጃ አይወስድም።  

ከመሞቷ ጥቂት ቀናት በፊት ደስታ ተቃጥላ በእጆቿ የደረሳት አስከፊ ጉዳትና ጠባሳ ፎቶዎች አንስታ በዋትሳፕ ያለውን ለእህቷ ትግስት ትልካለች። እነዚህ ለማየት የሚዘገንኑ ፎቶዎች ደስታ እጆቿ ተጎድተው ከጥቅም ውጪ ሆነው እንደነበሩ ያሳያሉ። ሆኖም ግን በስሟ የተከፈተው የሊባኖስ ፖሊስ መዝገብ ደስታ አሰሪዎቿ ባልነበሩበት ወቅት በነዚህ በተቃጠሉት እጆቿ ገመድ አስራ እራሷን አንቃ እንደሞተች ይገልጻል። በትንሹ አሳማኝ በሆነ መንገድ ለመዋሸት አለመጣራቸው በፖሊስና በመንግስት ደረጃ ለሰው ቤት ሰራተኞች ያለው ንቀት ጎላ አድርጎ የሚያሳይ ነው። 

“እኔ እህቴ ከነነፍሷ ከነዛ አረመኔዎች ቤት ወጥታ ወደ ሃገሯ እንድትመለስ ነበር ፍላጎታችን። የ14 ወር ደሞዟ ጉዳይ በጭራሽ ለደቂቃ እንኳን አላሳሰበንም ነበር። የደስታ ሞት እስካሁን ድረስ መቀበሉ አቅቶኛል።” -ታላቅ እህቷ ትግስት ታፈሰ በዳኔ። 

Desta Tafesse

ከማረፏ ጥቂት ቀናት በፊት ደስታ በእጆቿ የደረሳት አስከፊ ጉዳት የሚያሳዩ እነዚህ ሁለት ፎቶዎች ለእህቷ በዋትሳፕ ልካ ነበር።  እንደ ሊባኖስ ፖሊስ አቋም እህታችን ደስታ እጆቿ በዚህ ሁኔታ በነበሩበት ነው ገመድ በአንገቷ አሳስራ እራሷን ያነቀችው። ማንን የሸወዱ መስልዋቸው ነው ግን?